Setur að mér hroll.

Jæja er það þá Iceland Express sem fer næst.

Alveg frá því fárið fór í gang fyrir mánuði hafa menn komið fram og sagt að sitt félag sé í góðum málum.  Eitt hafa þeir þó átt sameiginlegt að fara á kúpuna nokkrum dögum seinna.

Ekki vill ég neinum svo slæmt að verða gjaldþrota en það er bara lögmálið " what go´s around come's around" sem segir mér að þetta fari illa hjá þeim.

Er einhver sem vill veðja ?

 

 

 

 

Engin áhrif á Iceland Express

Athugasemdir

[Goggi Gúanó (IP-tala skráð) 29.10.2008 kl. 10:29]

Gott á dani!  Gott á þá!!  þeir seldu okkur á sínum tíma makað mjöl!!.  þetta reddast allt!! þetta REDDAST!!

Hvað er fólk annars a kvarta?  Kusu ekki flestir aftur og aftur D og B?  Eru menn ekki bara hressir?  Ha?

À réttri leið!!   Stétt með stétt!!  Klettur í hafinu!!    ERTU EKKI HRESS?  HA? 

[Egill (IP-tala skráð) 29.10.2008 kl. 10:29]

Já ég er alveg hættur að trúa þessum andskotum sem ljúga hver upp í annan. Fjárfestingarfélagið Fons á bæði félögin og þetta er á leiðinni á hausinn rétt eins og Sterling bíðum bara og sjáum.

[ADOLF (IP-tala skráð) 29.10.2008 kl. 10:49]

Pálmi svindlaði á þjóðinni og slapp með það í sambandi við samráð um verð á grænmeti sem frægt var við hverju má búast frá svona manni

[Andrés Jónsson, 29.10.2008 kl. 11:09]

Sæll Ragnar

Ég skil að fólk er með áhyggjur eins og ástandið hefur verið í þjóðfélaginu, en Iceland Express er ekki að fara neitt. Það þarf ekki að óttast það.

Express er með betri sætanýtingu í ár heldur en í fyrra og við byrjuðum snemma á þessu ári að lækka enn meira allan kostnað, sem gerir okkur mjög sveigjanleg í þessu umhverfi.

Alls ekki er hægt að bera rekstur þessara tveggja félaga saman.

Bestu kveðjur,

Andrés Jónsson
Upplýsingafulltrúi Iceland Express.

[Sævar Einarsson, 29.10.2008 kl. 11:27]

Er fólk fífl ? (afsakið orðbragðið) og Andrés, FONS var að missa eitt flugfélag og það á "annað" flugfélag sem er í eigu FONS, heldur þú að það hafi enginn áhrif ? vaknaðu drengur ! og fáðu þér vænan slurk af Expresso kaffi ! ekki Iceland Express kaffi.

[Brjánn (IP-tala skráð) 29.10.2008 kl. 11:29]

Andrés, fyrst að þú ert að kommenta, værirðu þá til í að svara fyrir mig spurningunni um það hverskyns fyrirtæki Iceland Express er? Flugfélag, Ferðaskrifstofa, ábyrgðarlaus miðasala sem þykist vera flugfélag?

[Sævar Einarsson, 29.10.2008 kl. 11:30]

Ég vill samt taka það fram að Iceland Express er flugfélag sem ég á mikið að þakka með lækkuðum fargjöldum.

[Andrés Jónsson, 29.10.2008 kl. 12:17]

Sæll, Sævar.

Burtséð frá allri umræðu um eigendur, þá er Iceland Express í ágætum rekstri og afdrif Sterling hafa engin áhrif á okkur. Tek undir með þér að það er mikilvægt að halda uppi samkeppni í flugi til og frá landinu.

Ég get fullvissað þig og aðra sem lesa þetta að við erum ekki að fara neitt.

Bestu kveðjur,

Andrés

[Andrés Jónsson, 29.10.2008 kl. 12:22]

Brjánn:

Eins og þú greinilega veist þá leigjum við þoturnar, en eigum þær ekki. Það gerir okkur mun sveigjanlegri í ástandi eins og þessu, þar sem að leiga á flugvélum er að verða ódýrari. Auðvitað er umhverfið krefjandi og hefur áhrif á alla í þessum bransa. En við stöndum sterkar en flestir aðrir og höfum fullt af tækifærum. Sérstaklega í því að bjóða ódýrari fargjöld, sem er það sem fólk mun leita að næstu misseri.

Þakka ykkur annars öllum fyrir málefnalegar athugasemdir. Það er hins vegar engin ástæða til að óttast að fall Sterling hafi nein áhrif á Iceland Express.

[Karri (IP-tala skráð) 29.10.2008 kl. 13:37]

Er ekki í lagi með þennan Andrés?

Leiðinlegt að sæmilega efnilegur stjórnmálamaður sé að grafa sig með þessu fyrirtæki. Auðvitað fer iceland express á hausinn, þeir hafa misst alla dreifingu núna í skandinavíu því að allar ferðaskrfistofur Pálma H. eru að fara á hausinn, þeir selja mest af sínum ferðum á Íslandi og íslenski markaðurinn er hruninn, þeir eru með breskar flugvélar og kostnað á sama tíma og krónan er hrunin.

Ég gef þeim 2 daga (ef þeir setja í þrot fyrir mánaðarmót) eða 2 vikur, ef þeir reyna að þreyja þorrann á meðan þeir sjá bókanir á Íslandi og í danmörku þerrast upp.

Þannig er það bara.

[Andrés Jónsson, 29.10.2008 kl. 16:26]

Karri: Ég þakka hlý orð í minn garð.

Ég get ekki tjáð mig um neina aðra en Iceland Express. Og ég sagt þér að þú ert ekki með alveg réttar forsendur í þessu reikningsdæmi.

Við erum með betru sætanýtingu núna en í fyrra og þú sem virðist innanbúðarmaður í fluggeiranum hlýtur að vita hversu miklu það skiptir.

Við erum með meira bókað inn á desember núna (fleiri miða), heldur en í fyrra. Við erum með mjög lágan kostnað (tókum á honum snemma) og erum með auknar tekjur í erlendri mynt vegna myndarlegrar söluaukningar í ferðum til Íslands.

Auðvitað skiptir heimamarkaður okkur máli, en ég tel fullt tilefni til að ætla að við munum styrkja okkur þar í samkeppninni við Icelandair á næstu mánuðum.

Fyrirtæki sem er vel rekið og ekki skuldsett þarf ekki að verða fyrir áhrifum vegna þess að annað flugfélag í eigu sama aðila fari illa.

Vonandi skýrir þetta málið.

Mbk,

Andrés

[Vilhjálmur Jónson (IP-tala skráð) 1.11.2008 kl. 05:28]

Andrés, af hverju forðist þið alltaf það að svara spurningunni um það hvort að þið séuð flugfélag eða ekki?

Ég veit að þið eruð ekki flugfélag en það er algjörlega óþolanndi að sjá ykkur alltaf hreint vera að þykjast vera eitthvað sem þið eruð ekki.