Gott framtak en...

Þetta er gott framtak en gleymum ekki hverjir það voru sem sýndu okkur fram á að fiskur þarf ekki að vera á sama verði og nautakjöt.

Ég er að benda á að það var fiskbúðin Freyja sem kom sá og sigraði, spurning hvort verið sé að lækka verðið hjá Fiskisögu til að knésetja litlu fiskbúðirnar einu sinni enn. 

Ég bendi á að við eigum að hverfa aftur til gamla Íslands og hafa þverskorna ýsu  á borðum á ný, fiskur þarf ekki að vera flakaður og sósaður til að vera ætur.

Ef ég man rétt þá fór Fiskisaga um bæinn fyrir ári eða tveimur og keyptu upp allar fiskbúðirnar til að skapa fákeppni.

Fiskbúðir lækka verð

Athugasemdir

[Marinó Óskar Gíslason, 9.3.2009 kl. 11:19]

Þegar eigendur Fiskisögu keyptu upp stóran hluta fiskbúða í Reykjavík hækkuðu þeir verðið upp úr öllu valdi. Þeir eru nú bara að færa það niður í átt að réttu verði. Ég hætti að versla við hverfisfiskbúðina mína þegar þeir komu þar að. Þjónustan versnaði nefnilega líka. Fann aðra búð sem mér líkar vel við að koma í og ætla að halda mig við hana.