Blinda á staðreyndir.

Orsök tannskemmda er hirðuleysi að stærstum hluta.  Ef börnum er kennt að tannbursta sig frá blautu barnsbeini þurfa hlutirnir  ekki að fara svona.  Þetta er vandamál sem verður til heima.  Ég kenni engum öðrum um en sjálfum mér þegar tennur mínar skemmast, það stoppar engin mig af við að tannbursta mig eða neyta sætinda annar en ég sjálfur.

Góður tannbursti og gott tannkrem kosta minna en sígarettupakki.

Ég get ekki séð hvernig þetta getur verið pólitískt vandamál.

Sofna ekki án verkjalyfja

Athugasemdir

[Muddur, 11.5.2009 kl. 11:49]

Vissulega eiga foreldrar að passa uppá að börnin tannbursti sig og hugsi vel um tennurnar, en það þýðir samt ekki að það eigi ekki að hjálpa þeim sem trassa tannhirðuna. Sem dæmi, þá fá börn fulla læknisþjónustu eftir að hafa beinbrotið sig eftir kæruleysislegan leik, ekki er ríkið að heimta að foreldrarnir borgi mestan partinn. Af hverju á þá ekki hið sama að gilda um tennur? Tennur eru nauðsynlegar fólki, og sérstaklega börnum, það á ekki bara að vera einhver lúxus fyrir hina ríku að hafa tennur í lagi, ekki frekar en það á að vera lúxus að vera með eðlilega gróin bein eftir beinbrot. Eins mætti ríkið koma meira að til að hjálpa fólki með augnvandamál, sérstaklega ungu fólki, en það er heilmikill kostnaður sem fylgir því að kaupa gleraugu, sem eru nauðsynleg hjálpartæki, ekki einhver lúxus fyrir hina efnameiri.

[Höddi (IP-tala skráð) 11.5.2009 kl. 12:11]

krakkar renna sér niður brekku saman á sleða.Sleðinn fer utan í steinnibbu og börnin kastast af sleðanum annar krakkinn kjálkabrotnar en hinn  krakkinn brýtur tennurnar sínar, útgjöld bíða foreldra barnanna. Örfáir þúsundkallar hjá öðrum en mörg hundruð þúsunda útgjöld hjá hinum(eitthvað fæst þó endurgreitt en  það er í óvissu)Tennur eru sérkapítuli hjá heilbrigðiskerfinu.Ég  fór í aðgerð á hné og borgaði bara grunnkostnað (innan við 20 þúsund)það er sanngjarnt .Hnjámeiðsl geta orðið vegna leikja en engum dettur í hug að láta mann borga fullt gjald.Allaveganna ætti að samræma gjaldtöku sama hvar á líkamanum er unnið.

[Ragnar Borgþórs, 11.5.2009 kl. 12:25]

Kostnaðar vandinn liggur hjá tannlæknum við getum ekki neitt þá til að lækka taxtann, þetta er þeirra siðferðislega ákvörðun sem þeir verða að taka.

Ein fær leið er að greiða ekki fyrir námskostnað þeirra og vita hvort þeir taki við sér, maður segir nú bara svona.

Varðandi samanburð við beinbrot þá er það slys en tannhirða ekki, auðvitað á að hjálpa þeim.  Blessuð börnin eiga ekki sökina á þessu heldur foreldrar.

[sb (IP-tala skráð) 11.5.2009 kl. 12:43]

Hvað finnst þér eðlilegt að klukkutími kosti á tannlæknastofu?

[Ægir Sævarsson (IP-tala skráð) 11.5.2009 kl. 13:14]

Sammála Muddi hér - þða á ekki að vera eitthvert Thatcheryfirstéttar lúxus að hafa tennur ekki frekar en heil bein. Þessi mál undirstrika enn og aftur hve lífsgæði eru skert í þeim samfélögum þar sem ójöfnuður ræður ríkjum.

[Baldur Sigurðarson, 11.5.2009 kl. 13:20]

Ég var lítið látinn tannbursta mig sem barn og tennur mínar skemmdust reglulega. Árið 1992 lenti ég í umferðarslysi þar sem ég braut 8 tennur og þá var gert við allt sem ekki var í lagi.

Þá var mér kennt að tannbursta mig og sagt frá nauðsyn þess. Síðan þá... í 17 ár hefur ekki komið ein skemmd.

Frændi minn er 38 ára gamall og var alltaf burstaður sem barn. Hann hefur haldið því við og hefur aldrei fengið skemmd, svo ég er sammála að öllu leyti.

[Himmalingur, 11.5.2009 kl. 15:42]

Blindur á staðreyndir minn kæri! Tannburstun ein leysir ekki allan vandan. Börn mörg hver eiga við ýmis tann og tannholdsvandamál að stríða, sem kemur ekkert við tannburstun. Vöntun á munnvatni og sterkar magasýrur valda líka tannskemmdum. Því er það hreinn barnaskapur að ætla, að tannburstun ein og sér komi í veg fyrir tannskemmdir!

[sb (IP-tala skráð) 11.5.2009 kl. 16:10]

Ragnar svo vill til að börn velja sér ekki foreldra og efnahagsaðstæður,  þú vilt sem sagt að börn fátæks og illa upplýsts fólks sé með mikil tannvandamál.  Við erum ekki að tala um fullorðið fólk og það skiptir engu máli þótt þú sért duglegur að bursta. 

[Skaz, 11.5.2009 kl. 16:39]

Ég get nú alveg staðfest það að tannburstun ein og sér er engin lausn.

Ég er með  munnvatnstegund og sýrustig í því sem nánast útilokar að ég fái EKKI skemmdir hvað sem ég geri. Búin að vera svona síðan ég fæddist og ekkert að fara að breytast.

Það er þvílík blinda á staðreyndir að ætla sér að segja að hægt sé að stoppa öll vandamál með forvörnum einum og sér. 

Það er alveg sama hversu mikið börn tannbursta sig, nota tannþráð og munnskol. Það munu alltaf einhver þeirra þurfa á tannlækni að halda og akkúrat eins og staðan er núna þá er það bara of dýrt.

Ríkið hefur ekki skoðað þessi mál í fleiri ár ef ekki áratugi. Meðaltal framfærsluvísitölu og fleira miðar við meðaltal launa sem er svo skekkt út af launahæstu einstaklingunum sem fá milljónir í laun á meðan flestir sætta sig við mun minna. Meðalatalið þar á milli er ekki að endurspegla raunverulegt miðgildi launa.

Þannig að búist er við því að fjölskyldur hafi meira á milli handanna en raunverulegt er og í endann þá er það staðreyndin sem enginn vill sjá og allir eru blindnir á, því að það myndi kosta útgjöld að lagfæra þennan stóra galla.