Allt í lagi að vissu marki...

Það vill þannig til að tvö af börnum mínum voru busuð í þessari vígslu sem sýnd er á þessu myndskeiði þannig að málið er mér ekki ó skilt.  Það er mín skoðun að þetta sé í lagi þetta er jú stór áfangi í sjálfsbjörg þeirra og byrjun á bestu árum ævi þeirra eins og einn kennarinn sagði við strákinn minn.  Ég var bara spenntur fyrir því hvernig þau upplifðu þetta ( strákur og stelpa) og voru þau bæði sátt við athöfnina að þeirra sögn og fannst bara gaman.  Mér fannst kannski svolítið "out of bounce" þessar kynlífsstellingar sem þau voru látin leika.  Ég óska þeim öllu velfarnaðar í framtíðinni bæði "busum og böðlum" og góða skemmtun í kvöld og látið "búsið og dópið" eiga sig.

Varað við busavígslum

Er það virkilegt..

Það má bera af sér vitleysuna á margan hátt, þetta er ein þeirra .  það þarf engan stjarneðlisfræðing til að átta sig á rekstrarforsendum svona blaða, það var bara falsgrunnur sem byggt var á og enn eitt Baugsdæmið að falli komið. Þeir hafa bara haldið að þeir gætu leikið sér með markaðinn eins og þeir hafa gert hér heima.  Á fjörur mínar rak í gær " Saga FL gr. taka 2" þar geta menn séð hvernig þessir kálfar leika sér með "matador" peningana sína og okkar að eigin vild.  Skora á menn að skoða þetta myndband, ekkert nýtt sem þar kemur fram en gott að rifja þetta upp.  Einkennilegt að allar þessar eftirlitsstofnanir sitji alltaf aðgerðarlausar, eru aðilar þeirra kannski flæktir í eitthvað misjafnt ?

Linkur:

http://ie.youtube.com/watch?v=ryzSRYK4Pec

Gunnar Smári: Samdráttur á markaði gerði útslagið

Fallegt veður á Hellishólum.

Við Aron fórum seinnipartinn í gær að Hellishólum, það var ágætis veður í gærkveldi og ekki var það síðra í morgun, sól og stilla.  Við tókum niður fortjaldið brakandi þurrt og andar maður léttar núna eftir hamfarir vikunnar.  Mætt voru Gumma og Óli vinur, Balli og Anna, Geir og Tóta ásamt gestum og auk okkar Síðast en ekki síst Hjödda og Steini.  Við fórum rétt fyrir tólf feðgarnir.  Við Sigurrós ætlum næstu helgi ef veður leyfir.

kær kveðja

Raggi Borgþórs

p.s.  þar sem ekki á allt heima á þessu bloggi sem manni langar að koma á framfæri þá hef ég stofnað mitt eigið blogg það er www.ragnarborg.blog.is  og eru allir velkomnir þangað.

Þeir hljóta að skila þeim...

Ég hef ekki trú á að þeir haldi þessu til streitu, þeir hljóta bara ætla pressa á efndir samningsins.

Ég hef fulla trú á dugnaðarforkinum Ástþóri, hann er hetja í lifanda lífi og sýnir okkur að það er líf eftir lömun.  Áfram Ástþór, finnið lendingu Lýsingarmenn verst að lögfræðingamafían er væntanlega búinn að hlaða kostnaði á skuldina.  Ef einhver er aflögufær ætti hann að hjálpa til.

Lamaður bóndi sviptur sérbúnum vélum

Startið...

Þá hef ég loks látið verða að því að byrja blogga.  Hef aðeins verið að blogga á síðu ferðafélags sem við hjónin erum félagar í en tal sumt ekki eiga heima þar sem ég er að hugsa um og langar til að koma á framfæri. Það verða kannski smá erfiðleikar til byrja með en svo verður þetta bara gaman.

þar til næst 

kk

rb