Hvers virði er ein svona nefnd ?

 

Ég treysti mér ekki til að verðmeta eitt manslíf en það er víst að þessir drengir urðu síðan menn og feður og svo framvegis þannig að eftirköstin hafa snert marga.   Þegar þetta mál komst í hámæli fór maður að líta í kringum sig og áttaði sig á að nokkrum af þessum drengjum hef ég kynnst og aðra hitt á lífsleiðinni.  Djúp eru þau sár sem sál þeirra hefur þurft að bera allan þennan tíma. Núna skilur maður að hluta margt sem þeir tóku sér fyrir hendur og lentu í á lífsleiðinni. Ég man að þegar ég var lítill þá var oft rætt um Breiðuvík og strax þá voru sögurnar ekki fagrar en barn ber ekki skynbragð á alvarleika málsins.

Varðandi bætur til þessara manna þá spyr ég hvað kostaði nefndin sem unnið hefur að þessu frumvarpi, ef ég þekki mitt fólk rétt þá er það allnokkuð meira en sem nemur bótunum.  

Ég segi eins og einu sinni var sagt, borgið það mikið að þið finnið fyrir því ef það er gert þá gerist svona aldrei aftur.

Þið strákar og stúlkur sem lentuð í þessu þetta er smánar blettur á íslenskum stjórnvöldum, þið eigið meira og betra skilið.

 

Telja bætur of lágar